|
Audio Sermons
Audio music
Text Sermons
Visitor Info
Outreaches
Choir
Confession
Articles
Links
Education
Ministers
Map
Photos
History
Cassette
Europe
Self-help
Internet
Faqs
HOME
| |
CV van Erlo Stegen
ERLO STEGEN VAN KWASIZABANTU SENDING
Erlo Stegen is die leier van KwaSizabantu Sendingstasie in KwaZulu-Natal. Nadat hy in die
vroeë vyftigerjare opleiding aan 'n Bybelskool ontvang het, het hy vir 12 jaar lank die
Evangelie onder die Zoeloes verkondig. Alhoewel duisende mense op sy uitnodigings om na
die Here te kom, gereageer het, het hy 'n punt bereik waar hy diep teleurgesteld was oor
die lewens van die bekeerlinge en vertel dat hy dit sterk oorweeg het om die bediening te
verlaat omdat sy persoonlike ervaring so ver verwyderd was van die Bybelse standaard en
beloftes. Saam met 'n klompie Christene te Maphumulo het hy ernstig vir herlewing gebid en
in 1966 het die Here in Sy genade kragtiglik begin werk.
Hulle het verstom gestaan oor hoe die Here onmiddellik begin het om die hardste heidene na
Homself toe te trek. Hekse, toordokters, moordenaars en baie ander mense het onder
oortuiging van sonde gekom en het dag en nag na die herlewingsentrum gestroom om vrede met
God te maak.
In 1970 het hulle 'n plek 20 kilometers verder bekom, met die naam KwaSizabantu wat
"die plek waar mense gehelp word" beteken.
Die herlewing wat destyds in 1966 begin het, gaan vandag nog steeds voort en het reeds na
baie ander plekke versprei. Daar is ook altyd besoekers van oral oor wat die Sendingstasie
besoek, mense vanaf alle kerklike agtergronde wat kom om in die seën van die herlewing te
deel.
Erlo Stegen preek dikwels op die Sendingstasie self maar reis ook internasionaal na al die
kontinente om op uitnodiging in verskillende kerke, by konferensies ensovoorts op te tree.
As direkteur van die Sending word hy deur 140 voltydse medewerkers sowel as 150 deeltydse
vrywilligers bygestaan.
Hy is 65 jaar oud, getroud met Kay en hulle het 6 dogters.
| |
|
